Kapin 7 kilo nga shabu nasakmit
February 9, 2019
Comelec roadshow alang sa first time voters
February 11, 2019
PULSO SA KATILINGBAN
Ni Radyoman Buen Algono
“Dili man gyod ko ganahan ug politika apan unsaon man nga mao may pagbuot sa mga lungsuranon”, matud sa Politiko 1.
“Dili ko modagan sa politika kay igo na ning akong ginagmay nga serbesyo sa mga tawo”, ni Politiko 2.
“Dili man gyod unta ko modagan apan usa lang ko ka pobreng suluguon nga dili makabalibad sa mando sa katawhan”, istorya ni Politiko 3.
Ang mao nga mga linya kabahin lang sa recycled na nga mga panaad sa mga politiko.
Nanaad sila nga dili modagan apan diay midagan.
Siguro, kabahin kini sa stratehiya sa mga politiko aron igayuma ang boto sa katawhan.
May mga politiko nga nanaad nga dili modagan apan diay nagsigi na ug pangampanya ug dako na ug nagasto sa mga political advertisements.
Laktod nga pagkasulti, sa kampanya pa lang mihimo na sila ug pangatik sa katawhan.
Sa komedya pa: “Dili ko modagan, atik ra!”
Kon mahilig ug pangatik kining mga politikoha, unsaon kaha nato pagsiguro nga tinuoray ang ilang ubang mga tam-is nga panaad?
Pero sa pikas bahin, taliwala sa ilang atik nga dili modagan apan midagan, basin sab diay ug duna silay mga maayong mahimo nga pagpangalagad alang sa maayong ugma sa nasud.
Kon atong itandi ang pangampanya sa politika sa pagpanguyab, may mga lalaki nga mangatik ug istorya sa babaye nga ilang gipanguyaban.
Kon masakpan gani, tulisukon sa babaye ug ingnan: “Kapating nimog nawong, nganong imo man kong giatik?”
Ang lalaki magpaawot nga motubag: “ Sorry ha, dili man god ko nimo sugton ug dili teka atikan”.
Para ninyo, angayan bang botaran ang mga politiko nga nanaad nga dili modagan apan midagan?
