BREAKING NEWS

OYUAN UG PAG-UMANGKON SIKOP SA BUY BUST OPERATION GABII SA TALISAY CITY, NAKUHAAN UG 2 KA KILO NGA GIDUDAHANG SHABU. Nasikop sa Anti Drug Operation sa mga sakop sa Provincial Intellegence Unit ug Provincial Drug Enforcement Unit ang mag-oyuan pasado alas 7 kagabii sa Upper Mohon Brgy. Mojon Talisay City.

Ang nasikop mao sila si Stephen Minguito Mitante 19 anyos ulitawo mulupyo sa Sitio Magsaysay Brgy.Pasil Cebu City ug Jerry Minguito Bionson 29 anyos ug mulupyo sa Brgy.Suba Cebu City.

Si Police Major Joey Bicoy pangu sa PIU/PDEU sa Cebu Provincial Police Office nagkanayon nga nakadawat sila ug impormasyon nga ang mag-oyuan nalambigit sa illegal nga kalihukan sama sa pag-deliver ug shabu ug dihang nasuta nga positibo milusad dayon sila drug operation batok sa duha nga miresulta sa pagkasikop niini.
Matud ni Bicoy nga gawas mag-deliver ang duha ug shabu ug sohulan sila ug 10 mil pesos giingong mga bodegero usab kini sa usa ka drug lord.
Si Stephen matud pa nga nasikop na kini niadtong tuig 2018 sa susama gihapon nga kaso Ang duha giingong maka-disposed kini 50 gramos ngadto sa 100 gramos nga shabu matag semana ug gihulagway sila nga High Value Individual kon HVI.
Nakuha nga mga ebedensiya mga ang duha ka kilo nga gidudahang shabu nga mobalor kapin sa 13 milyones pesos.
Report ni Radyoman Josephus Quijano